花圖 (已結業)

「花圖」係一間高級中菜館採用高貴優雅嘅設計，多過獨立用餐區域，職員態度友善有禮，服務到位，用餐時間令人滿意。6道菜的晚餐，每道都令我留下深刻印象:第一道頭盤~桂花荔枝汁潰荷蘭串茄，淡淡桂花香，酸甜冰涼; ~黑松露帶子餃，黑松露提升帶子餃層次；~陳皮香草醬焗伊比利亞豚肉，陳皮香草醬中和豚肉油膩感，食落更爽滑。第二道~ 花圖爵士湯，大廚以龍蝦湯配合花膠 哈密瓜 螺頭燉制而成，鮮甜無比。第三道~胡椒蟹皇焗海蝦，7吋長虎蝦，秘製鮮胡椒醬汁，食落有點麻少少辣，旁邊加上紫薯絲減低辣度嘅口感。第四道~珍菌紫玉 用棷菜心包住薑汁炒過嘅珍菌，上面放咗香脆京蔥絲，南瓜汁伴碟，口感豐富，香甜美味。第五道~龍蝦膏海膽炒飯，矜貴馬糞海膽，龍蝦膏炒飯鮮甜完美的融合。第六道~ 芝麻糊椰汁忌亷配桔仔酥，甜度適中的芝麻糊加上棷汁忌廉，令口感更加滑；桔仔酥外層香脆軟糯內層桔仔醬，配搭得極致。花圖特式cocktail ~ Voynich Secret賣相夠吸引，清新自然洋甘菊cocktail ，打卡必選；Sexy Mama充滿果香味特飲。