大師傅粥品 (已結業)

第一次去呢到食粥，意外地又幾好食又幾足料！叫咗艇仔粥同炸兩，仲有油條！艇仔粥 $21好足料啊！有魷魚，魚肚，花生等等，仲有啲肉碎係碗底！從無諗過食粥都可以飽肚，因為實在太多料！粥底夠綿，食到最後都唔會愈嚟愈稀，唔會變咗水。啲肉碎有調味，配合個粥一齊食，好夾！反而魷魚就無乜味咁，純粹白烚。炸兩 $15不過不失，但店員落太多豉油，浸淋咗咁！枱面有好多唔同醬可以加上去，我就加咗花生麻醬！都幾好味～油條 $8油炸鬼就必嗌啦，食粥點可以無！不過剪得有啲大嚿，雖然我都明佢係求其剪。