發哥粥底海鮮火鍋 (已結業)

終於搬返入嚟沙田😍梗係要周圍搵好嘢食啦。 又有朋友推介，顯徑附近開咗間 發哥粥底海鮮火鍋 ，鍾意打邊爐嘅我，又點會錯過呢。 我同老公 點咗兩個餐 佢要龍蝦餐我就要海蟹餐 佢個set都幾好， 開胃涼菜兩小碟仲會有時令燉湯👍🏻 兩個海鮮餐包括有 新鮮鮑魚 ，蟶子皇，貴妃蚌，多寶魚黃金蜆， 海蝦， 時令貝 ，安格斯牛肩肉， 仲有八款火鍋配料任你揀 當然唔少得竹蔗水 同汽水任飲啦， 值得一提極力推介新鮮鮑魚上到枱仲旭緊㗎， 仲有 海蝦都仲係紮紮跳 另外配料台灣黑椒腸好好味 打邊爐又點少得午餐肉 自家製墨魚滑都好嘢未， 當所有邊爐打完之後 佢仲會加碗粥 裏面有芋頭㗎 再一齊煲起 真係好鮮甜 大家真係不妨一試