影片
更多
2022-11-02
1257 浏览
📌 小漁港海鮮舫 鮮蒸‧鮮味火鍋📍 太子荔枝角道127-133號地下☎️ 28689863★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*作為一個海鮮迷，食海鮮一定要食蒸先食到果種鮮味。喺屋企自己買料當然得，不過人少少好難買好多款，海鮮靚唔靚又好靠運氣，又要自己睇火又盛，所以我間唔時都會搵下邊度有得食蒸氣海鮮。屋企人同佢啲同事食過小漁港海鮮舫，同我極度推介。一路都以為好難去，呢日第一次同朋友去，原來係雷生春附近，行過去都唔洗三十秒，太子站出都係5分鐘就到，地點其實都幾方便。屋企人有講過呢間餐廳都幾多人，用餐當日基本上滿座，環境好熱鬧，好彩book 咗枱咋。餐廳有幾款唔同價位嘅蒸海鮮套餐，老板話呢日啲龍蝦好靚，建議我地揀Parco 發板餐（$398/位）。💫加拿大象拔蚌刺身拼盤頭盤先黎個mega size嘅刺身拼盤！有希靈魚、三文魚腩、吞拿魚、帆立貝、北寄貝、象拔蚌。樣樣都非常新鮮，分量十足之餘用料亦上乘唔馬虎。💫龍蝦半隻 🦞龍蝦頭放入粥底，龍蝦身肉質結實。💫賴尿蝦一隻上蒸籠果陣真係嚇一跳，扎扎跳勁生猛，入口肉厚，彈牙又多汁。💫貝殼三
📍 太子荔枝角道127-133號地下
☎️ 28689863
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
作為一個海鮮迷，食海鮮一定要食蒸先食到果種鮮味。喺屋企自己買料當然得，不過人少少好難買好多款，海鮮靚唔靚又好靠運氣，又要自己睇火又盛，所以我間唔時都會搵下邊度有得食蒸氣海鮮。
屋企人同佢啲同事食過小漁港海鮮舫，同我極度推介。一路都以為好難去，呢日第一次同朋友去，原來係雷生春附近，行過去都唔洗三十秒，太子站出都係5分鐘就到，地點其實都幾方便。
屋企人有講過呢間餐廳都幾多人，用餐當日基本上滿座，環境好熱鬧，好彩book 咗枱咋。
餐廳有幾款唔同價位嘅蒸海鮮套餐，老板話呢日啲龍蝦好靚，建議我地揀Parco 發板餐（$398/位）。
💫加拿大象拔蚌刺身拼盤
頭盤先黎個mega size嘅刺身拼盤！有希靈魚、三文魚腩、吞拿魚、帆立貝、北寄貝、象拔蚌。樣樣都非常新鮮，分量十足之餘用料亦上乘唔馬虎。
💫龍蝦半隻 🦞
龍蝦頭放入粥底，龍蝦身肉質結實。
💫賴尿蝦一隻
上蒸籠果陣真係嚇一跳，扎扎跳勁生猛，入口肉厚，彈牙又多汁。
💫貝殼三寶
每人有三隻花甲，一隻青口同鮮蠔🦪，花甲無沙，三款貝類都非常肥美可口。
💫元貝一隻
用上蒜蓉粉絲蒸，元貝都幾大粒，連埋蒜蓉粉絲蒸，香口惹味！
💫鮑魚一隻
鮑魚洗刷得好乾淨，柔軟爽滑有嚼勁！
💫海蝦兩隻🦐🦐
肉質爽口脆身，啜埋蝦頭果啖膏，好食到無得頂！
💫海魚一件🐟
馬友魚油極多，肉質好幼滑，處理好晒起晒骨，啖啖肉好好食！💯
💫農家四寶
分別係芋頭、翠玉瓜、粟米、南瓜。芋頭好粉，翠玉瓜粟米同南瓜唔洗任何調味已食出本身嘅甜。
💫蟲草花蒸雞烏冬底
雞肉蒸完仲好嫩滑，雞皮又爽，用烏冬托底，雞油汁喺蒸嘅過程流落烏冬度，烏冬有雞味又夠彈牙！
💫海鮮瑤柱粥底
粥底充斥住海鮮嘅精華，成個粥綿到無話可說，雖然食到尾聲好飽，都好味到忍唔住撐住個肚食幾碗。唔好唔記得個龍蝦頭，蝦頭個膏了埋嚟食，極之鮮甜！💯💯
蒸氣海鮮全程有阿姐幫手睇時間睇火，高質海鮮，食出佢哋嘅原汁鮮味，真係好滿足，有機會一定會回訪！
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
张贴
