阿爺粥品手工涮涮鍋 (已結業)

荃灣果面多野食，不過我多數都係去路德圍果頭。之前係尖沙咀試過間手工刷刷鍋覺得幾特別，所以今次黎荃灣，一於試下呢間「阿爺粥品手工涮涮鍋」。打邊勞試得多，用粥黎食火鍋就第一次，簡食粥嘅主要原因係貪佢冇咁熱氣嘛(好似係)。呢度比我第一個印象，就係裝修非常之豪華，而且位置夠晒闊落，坐係度好舒服。呢度晚市打邊勞有好多選擇，可以簡唔同湯底或粥底。我地想清清地，於是就簡左呢款「養生素菜粥鍋」($88)，同時點左幾款材料，分別係韮菜餃($68)、蟹柳($48)、娃娃菜($28)、白蘿蔔($28)、，同埋一隻雞蛋($8)。店員拎左好多醬油黎，方便我地慢慢調味。然後好快就送上大大碗粥底，然後就到材料送上黎。首先係韮菜餃，一共有6隻，呢度份量充足之餘亦十分夠味，放係粥度一齊煲，味度配搭非常之好。而跟住送上黎ge蟹柳亦有驚喜，大大條夠晒兩個人，食落又好好味。而菜、蘿蔔、蛋等材料都新鮮好味，如果唔夠粥的話，隨時可以叫店員再加。雖然係用粥打邊勞，但始終都有少少熱氣，不過好在飲茶可以抵消番。埋單$328，係度食就一定夠飽，不過價錢唔算平，如果想食啲好少少ge食材，可能要預多少少筆值了。