大家樂 (新世紀廣場)

营业中

休息中

近日出差係銅鑼灣返工, 跟同事一齊食 Lunch 感覺哩頭食飯好鬼貴，希望搵D平價 Lunch, 而大家都唔想買外賣想出去行吓，所以想試吓三大連鎖店，第一以平為主，第二先係味道，搵出平令正餐廳。香港三大中式連鎖快餐店，美心MX，大快活，大家樂。太興唔合要求，因為貴!早前去咗美心MX試試，結果係一般，今次去大家樂。大家樂暫時係最滿意，未去銅鑼灣出差之前，已經知道佢地 Lunch 時刻有D三十令蚊嘅套餐，當時食過一個三十令蚊荷葉飯，質素唔差。今次嘅栗米肉粒飯，連凍綠茶，41蚊!以前食栗米肉粒飯，總係肉粒硬又韌，栗米汁係玻璃汁一係淡茂茂一係咸到食，最多都係有D蛋花，睇見唔開胃!但大家樂嘅栗米肉粒飯,肉粒鬆軟，不單只有栗米重有我大愛三色豆，最正係栗米汁，金黃色好吸晴又好味唔會太咸味道適中，質素好過不少茶檔，如果係正公司樓下絕對會成為我的飯堂!可惜大家樂同公司有段距離.大家樂冷氣足，加分!同事好似嫌遠，想試埋大快活，okay，下次去大快活睇睇咩環境。