Dazzling Cafe (The ONE) (已結業)

星期六下午一點幾到，排咗一陣就有位。一入到去，店員就比個QR code你落order用。由於睇餐牌同點餐都要scan個QR code上網睇同落order，而用餐時間限時90分鐘，所以淨係點餐都浪費咗15分鐘。如果店內提供實體餐牌，相信可以縮短點餐時間。主菜點咗佛羅倫斯花枝干貝麵，炒得幾惹味，但好似有少少味精。甜品點咗繽紛莓果布里歐，brioche外層有層脆脆地嘅焦糖包住，配上微微帶酸嘅莓蓉，幾特別，唔會得個甜字。因為Cafe規定每人要叫一杯飲品，所以我地叫咗Raspberry apple tea(少甜)同100%現榨橙汁配士多啤梨。前者都係甜咗啲，麻麻地，後者唔錯，原來橙同士多啤梨都幾夾。埋單約$3xx。比完錢之後就梗係打卡影相啦。總括黎講，食物係ok嘅，未至於一定要黎食，但作為粉紅控，梗係要黎試下啦。