甜一點 (已結業)

係旺角行完街食埋晚飯，見到呢間新開既糖水舖「Chill Good甜一點」💖，被佢粉紅色的裝潢吸引左入去😍餐廳環境好靚，全間用上粉紅色，仲有個靚靚打卡位📸充滿少女心💓餐廳唔單止有中式糖水，仲有全日早餐，沙律，漢堡，人氣芒果🥭系列和主打的窩夫🧇供應。💗韓式牛牛窩夫🧇 $98呢個係佢地主打既窩夫，賣相好靚🤩仲好大份。窩夫係店主自己手打制成，即叫即做，兩件窩夫中間好鬆軟，邊位好鬆脆，口感特別豐富😚最驚喜😱係果兩球雪糕，有芒果🥭味和椰子🥥味，鮮果雪糕係用鮮果汁自家制作，入口係水果的鮮甜，亦因為係自家制所以唔會加防腐劑，食得安心又健康👍🏻配料有多種水果，西瓜🍉哈密瓜，藍桑子🫐仲有粉色彩珠，真係靚到唔捨得食呀🤭💗桃膠雪燕木瓜百合紅棗蓮子杞子 $48近日天氣乾燥，係時候食番個滋潤養顏、養陰潤肺的糖水來滋潤補養一下身體☺️餐廳用個靚靚的粉紅色器皿裝住，呢款中式糖水好足料，有齊桃膠，雪燕，木瓜，百合，紅棗，蓮子和杞子。呢個糖水色澤清潤，口感清甜，清甜滋潤又能美容養顏，絕對係女仕們的恩物🥰💕甜品店無論裝潢，食材，服務都好用心，下次去開旺角又多個地方食甜品，打下卡啦!