Error 19 (已結業)

朋友知我喜歡食甜品,推介我呢間位於彌敦道726號19樓嘅餐廳。一出𨋢口,粉紅色嘅花花世界展現眼前,餐廳內每一處都係打卡位,加上聖誕節裝飾,感覺好少女味!簡簡單單嘅餐牌,有沙律小食、套餐、飲品同甜品。🌺芒果洛神花套餐以優惠價加$28,點咗杯芒果洛神花特飲!枣紅色嘅洛神花茶下面係芒果汁,入口帶天然微酸而順喉，味道清新特別!🌺餐湯及沙律粟米忌廉湯啖啖都係鮮甜香濃粟米蓉味道!配上香口多士,豐富味蕾。而沙律菜就新鮮爽口!🌺黑松露什菌意大利飯黑松露什菌意大利飯,表面鋪滿什菌,米飯外腍軟內較硬,口感creamy有咬口,黑松露味突出，但又唔會搶走什菌香味！🌺404肥仔重朱古力窩夫無論有幾飽,一定有位置放得落甜品。呢個窩夫份量感十足,外脆內軟嘅窩夫配上香濃朱古力、新鮮士多啤梨同美味香蕉,賣相吸引,邪惡又美味！喺一個舒適嘅環境享受著美食甜品,又有好嘅服務,人生一樂也。呢度仲有多款甜品,等緊我嚟品嚐！