樂天皇朝 (雅蘭中心)

营业中

休息中

今日去食嘅時候有新推出嘅粉紅色小籠包，佢係同美滋鍋聯成出嘅一個粉紅色嘅小籠包，啱打卡之餘呢，入邊仲有新鮮嘅湯底喺入邊肉感鮮嫩喺個口度爆汁 ！上海風味醬鴨 ： 好惹味，肉感好紮實，每啖嘅鴨肉香味都好好味！外面嘅醬汁好好送飯！甜同鹹嘅味道真係好夾！而且份量好足夠！蟹粉豆腐 呢度菜係一定要點呀！鮮嫩嘅滑豆腐被好厚嘅蟹膏包裹住，超邪惡超惹味！好似食緊大閘蟹咁！好好味啊！ 雪菜鹹肉炒年糕 ：喺香港好難搵到呢一道菜。鹹肉嘅鮮味炒咗落啲煙韌韌嘅年糕度，味道一流！雪菜嘅鹹味亦都令到成碟餸好鮮味！手打檸檬茶好大杯，亦都好夠檸檬味！茶味都好鮮甜，但係我唯一覺得不足嘅地方就係飲品上面為咗美觀呢，整咗一層厚厚嘅打蛋白 ，我個人呢就唔係好接受到嗰陣腥腥地嘅蛋白味。