美滋鍋 (家樂坊)

营业中

休息中

冬天還是離不開打邊爐。呢間粉紅火鍋店都好出名，門口大大隻熊做生招牌。環境夠大坐得舒服，光線充足。揀湯底最抵叫都係四季鍋，一次就有四個湯底。招牌膠原蛋白養顏美容鍋滋補又養顏，想要點辣味刺激有滋補養生香辣鍋，蕃茄控要揀維他命C蕃茄玉米鍋，清甜湯就要揀清涼解熱雪耳鮮椰子鍋。韭菜豬肉餃（半份）餃子飽滿，韭菜味夠，豬肉鮮甜。墨魚丸（半份）墨魚丸真材實料，除咗食到手打出嚟既彈牙，亦有咬口。美國牛板腱（半份）唔多脂肪，入口爽嫩。嫩肩小羔羊肉（半份）羊肉冇羶味，口感拍得住牛肉。紅番薯粉（半份）半份原來都幾多，煙煙韌韌。唐山菜（全份)每次打邊爐都一定食菜先舒服。打邊爐點可以唔飲嘢，叫一個竹蔗茅根就可以任飲，點可以唔叫。