Camellia (已結業)

K11 Musea 呢一間商場充滿藝術氣息，好多間餐廳嘅裝修都落咗唔少心思。好多間餐廳都係打卡熱點，今次嚟到呢間山茶花餐廳。一入門口已經見到一大片粉紅色花海，絕對係少女心心眼嘅打卡熱點。 餐牌都好簡潔，嘢食種類唔算太多，但都幾別出心裁。叫咗一杯山茶花latte，侍應擺上枱果刻，真係少女心大爆發😍好粉紅呀！！！ 不過飲落就唔算太熱，如果熱少少會更好。頭盤係火龍果沙律🥗 色系都偏向粉紅色。流心蛋配炸金菇，口感好得意，啲金菇仲有黑松露嘅味道，好香口👍🏻👍🏻👍🏻香煎比目魚，味道不過不失，不過佢下面既菇，就整得好Juicy！！慢煮牛肉，好軟滑入味！👍🏻甜品叫咗流心抹茶tart！非常之好食！隔離個雪糕你估唔到係咩味道！答案係紫米味雪糕！！！總括嚟講呢間野性價比都叫幾好，每一道餸都好用心地創作，味道亦唔差。