水戶日本料理

营业中

休息中

我同朋友突然間想食日本嘢 , 咁啱我同佢都係住北區 , 又唔想去得遠 , 我就搵到一間喺粉嶺中心嘅日本餐廳 , 位置相當唔顯眼 , 今晚去到已經係八點鐘 , 還好人唔算太多 , 我哋嗌咗個拉麵同壽司 , 仲有天婦羅同茄子, 先講個拉麵 , 味道都係正常, 當然唔可以同專賣拉麵嘅店舖比, 我同朋友覺得喜出望外係佢哋嘅壽司 , 食材方面都幾新鮮 , 不過價錢都唔算平 , 帶子就要36蚊兩件 , 不過同朋友咁耐冇見, 食好少少冇所謂, 茄子同天婦羅嘅份量就一般 , 質素還可以 , 最後買單每人二百幾蚊 , 一定唔算平 , 不過地點就方便我地北區人。