盈翠燒臘茶餐廳

营业中

休息中

中午去到粉嶺聯和虚突然間想食燒鵝，附近聯盛街就有間主打燒鵝既餐廳，盈翠燒臘，於是就入去食午餐。入到去梗係叫鵝飯啦碟飯黎到，見點解咁少飯既，咦，唔係少飯係D燒鵝多到冚住哂D飯遮。仲有老火湯送，飲落正喎，無味精，味道濃郁到好似屋企㷛咁。食吓燒鵝先，嘩！D皮脆卜卜，仲係走肥嗰隻，有鹅香味，一口氣食咗半碟鵝同食哂D飯已飽(太多鵝啦)碟頭飯，加凍飲，仲有老火湯，承惠$53蚊，食真正鵝唔算貴，唔飲野就45蚊攪掂。其它燒臘仲未試，下次試完再向大家報告。