飯飯包掂 (已結業)

山長水遠入黎粉嶺就係為咗試呢間烤魚，果然沒有令人失望！烤魚一擺上枱就見到好大條！外皮煎到有少少脆，入口自然冇咁油膩，魚肉好嫩滑唔鞋口，而且冇腥味。我地嗌咗中辣，見到面頭有唔少乾辣椒同花椒，所以辣度都好夠👍🏻配菜種類好豐富，有豆腐、豬紅、薯粉、金菇、腐皮、木耳等等，小編最中意豆腐同薯粉，索咗湯汁之後好夠味😋再加埋咁大條魚，兩個人食到好飽都食唔曬🤣不得不提店員嘅態度非常友善，主動問我地味道夠唔夠，仲比埋調味料我地自己落，又幫手加湯，好關注客人嘅需要😄呢度有得嗌凍豆漿，甜度適中，應該係自家製，凍冰冰解辣一流！飯飯包掂📍粉嶺和豐街28號囍逸地下G03B號舖