水戶日本料理

营业中

休息中

🔸海膽炒飯 $78海膽份量好少，除左放係上面果兩舊海膽之外，個飯都見唔到同食唔到有海膽。但係個海膽如果自己撈落飯入面有好難撈，如果就咁食又好醬舊少得濟。之前食過一次，啲海膽真係同飯一齊炒，每啖食落都有海膽味。但係今次唔同左，無上次咁好食。🔹清酒煮蜆 $52 份量都好多，而且差唔多個個殼都有肉係入面，無甩曬出黎。不過好多隻入面都有好多沙😖如果洗乾淨啲會好啲。同埋食落好似唔夠鮮甜，腥味有啲重。🔸唐揚一口雞 $34每舊雞都好滑好juicy，仲有個沙律醬配埋一齊幾好食，個醬酸酸味味幾開胃。🔹芝士焗帆立貝 $34粒帆立貝唔會太老而變得好難咬，而且唔會話太細粒。上面有好大pat芝士，食完覺得漏漏地，即刻飽左好多。🔸黃金魷魚軍艦 $18 唔係度度都有依款壽司食，所以每次見親我都必嗌。好明顯係即叫即造，塊紫菜好脆，而啲黃金魷魚感覺都幾新鮮。好味到叫左兩次😆🔹鰻魚壽司 $42 鰻魚都算長，唔會太細舊，雖然好食，但$42兩年感覺有小小貴。🔸三文魚壽司 $16 唔係叫三文魚腩，但係都好似有小小腩位。🔹三文魚刺身 $48雖然得5片，但每片都有厚度，就係要厚先好食。三文魚啲色澤都幾靚，新鮮過壽司果啲三文魚。