咖啡灣 (粉嶺中心) (已結業)

好耐無行粉中，原來好多舖頭已換新血，多左呢間咖啡灣，見佢靚靚地好適合打卡喎，試下先。店舖在商場中央，完全係open area，行過路過可以睇住你食，同途人好有互動，小朋友可以在商場中隨意走動，即使大呼小叫亦不怕騷擾食客。先來個小吃，燒雞翼我鍾意食，有三款口味㗎，雖然雞翼有點瘦小，但個賣相都幾靚，甜甜地幾好味。帶子意粉，蒜香，意粉條條分明，加上食材細細份容易食，啱哂懶人。仲食左漢堡，半瀜芝士正呀，薯條香脆。朋友要左杯熱朱古力，有可愛小熊拉花，小朋友見到最開心。