軟橋米苔目餐廳 (已搬遷) 新店位置

深水埗呢間專門食米苔目嘅米線鋪, 之前已經聽過好多人介紹話幾好味。 今日經過開深水埗就同兩個姊妹一齊去試下, 我叫咗個墨魚丸...韭菜餃米苔目: 喇沙湯底。喇沙湯底本身已經包咗豆腐卜同埋有啲金菇 。佢呢一個喇沙湯底味道幾好, 但係食落唔算好漏。一羹羹咁加埋米苔目一齊食, 好惹味。第一次食米苔目, 滑捋捋好搞笑。 食起上嚟少少煙韌, 總之就幾好味啦。今日天氣好凍, 所以叫咗個碗仔翅, 希望暖下胃。個碗仔翅有啲蟹肉, 好足料。未至於超級好食, 但係19蚊貨仔都交到差啦。