藍象泰國餐廳 (已結業)

一直都好想試呢間米芝蓮泰國餐廳，就算在泰國食都要好貴，今終於有機會去食下lunch!!o係海港城入面，坐在玻璃旁邊，面對著維港，真係好有feel, 剛好今日天氣好好，有陽光射進來，讓我可以吸吸新鮮陽光，逃離上班office的陰暗。同朋友每人要了一個lunch set, 我亦加錢轉了冬蔭公大蝦湯！前菜：每一樣前菜都整得好精緻，柚子蝦沙律好開胃，啡色的一粒小丸子其實我唔知係咩野，但食得出有濃濃花生味在入面，加上菠蘿，出奇地好夾！呢個冬蔭公大蝦湯真係不得了，隻蝦頭都大過我隻手指公，蝦端鮮甜，蝦肉彈牙，冬蔭公湯底夠哂香料，唔會太辣，好吸左大蝦海鮮味，係我飲過最好飲既冬蔭公湯，沒有之一！泰式烤豬頸肉金邊粉亦係我食過最好食既粉金邊粉，唔會太乾，濕濕潤潤唔會痴埋一舊，微辣之中加上青檸味，每一條金邊粉都沾有醬汁味，每一啖都好享受，加上豬頸肉厚物，又烤得好惹味，真係冇得頂。紅咖哩雞飯相對今日其他菜式，呢個咖哩飯比較遜色，沒有太大特色，但仍然焗得好好，雞係十分嫩滑，飯都唔會焗到太乾，咖哩唔太辣，幾好幾好。最後加上一杯奶茶，望著維港景色，好完美的一個lunch!