新仙清湯腩咖哩專門店 (已結業)

第n次黎食新仙，唔知係因為米芝蓮推介美食，定係餐廳開業到依家儲落一班客，每次入黎食都覺得人流比之前多。今次點左個二人餐，可以試到招牌菜式，又可以食到我未試過既，啱哂帶朋友黎。黑白胡椒煨牛尾，個人覺得胡椒味唔夠，再辣少少會更好，但牛肉好嫩好入味，朋友大讚。蕃茄湯雲吞，個湯好清好fresh，似平時屋企煲個種咁甜，雲吞好彈牙好大隻蝦，係暫時我食過咁多間餐廳之中比較喜歡的雲吞。巴基斯坦咖哩，濃香但不會嗆鼻，配埋雞肉可以跟幾碗白飯，夠飽唔夠喉。重點的清湯牛腩，牛肉入口軟綿不痴牙，味道濃郁，而且湯汁清甜不會死鹹。底下的白蘿蔔吸哂湯汁，入口無渣，正！