影片
更多
2021-06-21
61 浏览
又係過江龍🐉今次仲係有米芝連推介嘅海南雞飯🐥去嘅圓方分店裝修幾型格，坐得好舒服，仲有落地玻璃可以望住出面個海境😌雖然話係新加坡過江龍，但佢地嘅食物種類唔限制於新加坡菜，餐牌成本雜誌咁厚，菜式多到眼花撩亂，樣樣都想試嘅我地幾經辛苦先揀到幾款出嚟😂·<天天海南雞> ʜᴋᴅ 158香港店同新加坡店都採用相同雞種🇸🇬經過5小時嘅烹製，被譽為米芝連最嫩滑雞肉😮的而且確雞肉幾滑，就算雞胸位置都係紮實得嚟又完全唔乾☺️好欣賞佢地選用嘅雞都有做開gym，唔會見到雞皮下面有一層黃黃嘅肥膏👻而且雞皮都偏薄又爽脆，食落都唔太大負擔😙·<雞油飯(細)> ʜᴋᴅ 38用石鍋裝好再用木蓋蓋好🪨呢個presentation我鍾意！雞油飯冇用薑黃粉，所以色澤偏淺。雞湯、雞油嘅味滲透每一粒米，就算係雞油飯都唔會過分油膩，仲保持到乾爽粒粒分明🤩呢個size雖然話係1-2人份，但我覺多個人食都夠呀😝·<黃金軟骨> ʜᴋᴅ 68鹹蛋黃雞軟骨🤩雞軟骨粒粒都好大，除咗有軟骨嘅硬脆，仲有痴住少少脂肪嘅油香🤓食到鹹蛋黃沙沙嘅口感，但覺得鹹蛋味可以更出😗·<古法肉骨茶> ʜ
雖然話係新加坡過江龍，但佢地嘅食物種類唔限制於新加坡菜，餐牌成本雜誌咁厚，菜式多到眼花撩亂，樣樣都想試嘅我地幾經辛苦先揀到幾款出嚟😂
·
<天天海南雞> ʜᴋᴅ 158香港店同新加坡店都採用相同雞種🇸🇬經過5小時嘅烹製，被譽為米芝連最嫩滑雞肉😮的而且確雞肉幾滑，就算雞胸位置都係紮實得嚟又完全唔乾☺️好欣賞佢地選用嘅雞都有做開gym，唔會見到雞皮下面有一層黃黃嘅肥膏👻而且雞皮都偏薄又爽脆，食落都唔太大負擔😙
·
<雞油飯(細)> ʜᴋᴅ 38用石鍋裝好再用木蓋蓋好🪨呢個presentation我鍾意！雞油飯冇用薑黃粉，所以色澤偏淺。雞湯、雞油嘅味滲透每一粒米，就算係雞油飯都唔會過分油膩，仲保持到乾爽粒粒分明🤩呢個size雖然話係1-2人份，但我覺多個人食都夠呀😝
·
<黃金軟骨> ʜᴋᴅ 68鹹蛋黃雞軟骨🤩雞軟骨粒粒都好大，除咗有軟骨嘅硬脆，仲有痴住少少脂肪嘅油香🤓食到鹹蛋黃沙沙嘅口感，但覺得鹹蛋味可以更出😗
·
<古法肉骨茶> ʜᴋᴅ 148新加坡嘅肉骨茶會更重胡椒味，所以怕中藥味嘅朋友都可以安心點呢道菜👌🏻飲落都幾濃味，不過就略嫌鹹咗少少🤏🏻就算可以refill我地都無再添🙈四大條一字排燉到非常軟淰，用筷子都輕鬆將骨肉分離，而且好入味😋食完啲骨之後發現原來下面仲有唔少豬肚同枝竹，真係好多料呀🤪
·
<超級水果> ʜᴋᴅ 38估唔到係幾大杯，兩個人飲都夠晒👭🏻百香果嘅酸甜味為主，但茶底又唔會過甜，仲有唔少蘋果🍏菠蘿🍍西瓜🍉作配料🤩
·
<美綠+花好月圓> ʜᴋᴅ 28豆腐花同美綠粉係分開上，落幾多就任君選擇，雖然落得太多美綠粉會蓋過豆腐花味，似齋啪粉咁都幾爽🤣
·
餐廳本來有加一服務費，不過有9折其實等於免加一，淨係要比多每位ʜᴋᴅ 9茶位費☕️整體用餐經驗唔錯，舒服到慢慢食咗成兩個幾鐘🤓
张贴
