品味

营业中

休息中

食過一次呢間米芝蓮推介嘅「品味」越南法包之後就會上癮🤭舖頭門面唔大，不過入面嘅開放式廚房睇到師傅即場組合法包，會先烘熱麵包，厚搽肝醬，再一層層疊上唔同配料。外賣法包用紙袋裝住拎到返公司都keep到酥脆。法包內嘅肝醬好出色，香濃又唔膩，而且絕對唔少。叫咗品味燒雞 ($72) 嘅雞肉非常嫩滑，加埋雞肉鬆層次豐富，配埋酸蘿蔔同青瓜嘅酸爽，簡直係完美組合。而signature cold cut ($82) 除左越式扎肉仲有越式叉燒，非常足料👍🏼呢度主要做外賣，lunch time未開門已經開始排隊。價錢稍貴，但味道真係出色。