蔦 (已結業)

一直都想試呢間拉麵店，咁岩果晚同同事經過銅鑼灣，突然間想食拉麵，於是就入咗呢一間米芝蓮級拉麵店入面全部都係吧枱，你可以好清楚睇到師傅做緊乜嘢，對整個製作過程都一目了然嚟呢度就梗係食拉麵啦！朋友同事叫咗醬油拉麵，以為會好鹹，但係原來味道都幾清淡，加埋黑松露，估唔到個感覺都幾新鮮我就叫咗一個鹽味拉麵，雞味幾香，仲有薄荷同柚子醬，估唔到幾清新，而且飲完個湯之後完全唔覺得口渴，唔似其他拉麵咁，勁多味精麵條偏腍，掛湯能力高叉燒非常之薄，入口嫩滑平時唔鍾意食竹筍嘅我，今日竟然愛上左呢一條竹筍！因為味道非常之新鮮，完全冇咗竹筍嗰隻怪味糖心蛋亦都亦都非常之入味，而且入面都係半熟嘅骰子肉，好入味👍🏻埋單百幾蚊，米芝蓮來講價錢都幾合理