蔦 (已結業)

今天和家人經過銅鑼灣 見到有間獲獎米芝連一星拉麵🍜 入左去試試 店員推介 醬油味玉叉燒拉麵 佢介紹話呢碗拉麵係米芝連得獎拉麵 所以我就叫左醬油味玉叉燒拉麵 我家人就叫左味噌味玉叉燒拉麵座既位置係對住 煮麵嘅過程一覽無遺 店員話佢地既拉麵係每日新鮮製造 甚知叉燒佢哋都會有部切割機可以將啲叉燒薄切 睇到店員佢哋對食物質量有緊密要求 起煮拉麵之前佢哋都會用個磅磅個重量 務求碗嘅拉麵嘅份量都一致 呢樣野我好欣賞👏🏻👏🏻去到碗面喇 呢碗係醬油味玉叉燒拉麵 上面有4塊叉燒 唔會話太薄都唔會話太厚 岩岩好 油脂分佈平均 食落夠軟身 唔會太油膩 至於湯底方面 因為有黑松露醬 所以湯底會有淡淡的黑松露味道 另外麵底方面 軟硬度適中 夠彈牙 仲有糖心蛋一隻 非常好吃至於味噌味玉叉燒拉麵 就比較適合喜歡食濃味嘅朋友啦 因為落咗味噌會有少少辣 但可以接受 另外仲有芽菜同栗米等配菜 令到碗拉麵冇咁油膩 另外店員嘅服務都好好會不斷加水 照顧到客人既需要不愧為一間得獎食店 無論服務 同食物質素都超水準有機會一定會再去