影片
更多
2025-03-18
119 浏览
呢間由米芝蓮廚師主理既泰菜真係激推, 聽講連泰國領事館都有推薦, 菜式夠哂正宗!⭐️⭐️依家仲做緊優惠, 消費滿$400（連加一）即可有一次擲骰機會，$800（連加一）兩次，如此類推。每次6顆骰子，擲出以下點數即得以下獎品：* 6個相同數字（全單免單）* 5個6（5折）* 4個6（75折）* 3個6（8折）* 2個6（85折）* 1個6（9折）———————————————————————🍽️ 泰式龍蝦金邊粉 $ 268原隻龍蝦拆肉搭配傳統泰國金邊粉, 餐廳仲落咗櫻花蝦入去炒, 個粉煮得夠乾身, 鑊氣十足. 龍蝦肉亦十分彈牙, 蝦頭仲好多膏.🍽️椰汁雞湯(S) $48椰奶味香濃順滑而且好足料, 落咗多舊雞肉、蘑菇同好多泰式香料係入面.🍽️ 泰式生菜包 $108肉碎份量都幾多, 幾抵食, 而且肉碎愈嚼愈香, 好惹味, 生菜亦都非常新鮮.🍽️青芒軟殼蟹沙律 $118軟殼蟹大隻又炸得香脆, 青芒果絲配搭酸辣既泰式沙律醬汁, 中和返軟殼蟹既油膩感, 令口感更清爽.🍽️ 沙爹雞串燒 $88雞串燒唔會烤到好柴, 肉質仍然嫩滑, 加上香味十足既沙爹醬, 非常惹味.🍽️泰式燒豬頸肉 $128 豬頸
呢間由米芝蓮廚師主理既泰菜真係激推, 聽講連泰國領事館都有推薦, 菜式夠哂正宗!⭐️⭐️依家仲做緊優惠, 消費滿$400（連加一）即可有一次擲骰機會，$800（連加一）兩次，如此類推。
每次6顆骰子，擲出以下點數即得以下獎品：
* 6個相同數字（全單免單）
* 5個6（5折）
* 4個6（75折）
* 3個6（8折）
* 2個6（85折）
* 1個6（9折）
———————————————————————
🍽️ 泰式龍蝦金邊粉 $ 268原隻龍蝦拆肉搭配傳統泰國金邊粉, 餐廳仲落咗櫻花蝦入去炒, 個粉煮得夠乾身, 鑊氣十足. 龍蝦肉亦十分彈牙, 蝦頭仲好多膏.
🍽️椰汁雞湯(S) $48
椰奶味香濃順滑而且好足料, 落咗多舊雞肉、蘑菇同好多泰式香料係入面.
🍽️ 泰式生菜包 $108
肉碎份量都幾多, 幾抵食, 而且肉碎愈嚼愈香, 好惹味, 生菜亦都非常新鮮.
🍽️青芒軟殼蟹沙律 $118
軟殼蟹大隻又炸得香脆, 青芒果絲配搭酸辣既泰式沙律醬汁, 中和返軟殼蟹既油膩感, 令口感更清爽.
🍽️ 沙爹雞串燒 $88
雞串燒唔會烤到好柴, 肉質仍然嫩滑, 加上香味十足既沙爹醬, 非常惹味.
🍽️泰式燒豬頸肉 $128
豬頸肉燒至有小小燶邊, 入口好香燒烤味, 蘸埋個帶酸甜既泰式醬汁, 更加好味.
🍽️ 椰子凍 $48
賣相非常吸引, 椰子凍好清甜, 好香椰子水既味道, 加上面頭既椰漿, 令椰味更香濃!
张贴
