大圍小館 (已結業)

朋友推薦嘅米芝蓮小館，一直都好想去試，最近係元朗開咗分店，餐廳唔俾搭檯，所以坐得好舒服，亦可以慢慢歎。必食沙翁，超想蛋味🥚，入口即化，而且勁大份，炸製過程需要一小時，限量供應，想吃一定要早啦！韭黃鮮蝦腸🦐，腸粉皮薄而煙韌，大大隻爽口蝦仁。香煎韭菜粿，可以做到爆汁，勁想韭菜味，推薦。龍蝦汁百花釀魚肚🦞，真材實料用咗魚肚，吸曬d龍蝦汁，好好味！麻蓉包濃郁芝麻香，最啱鐘意吃包嘅我，童年的味道。流心煎糯米雞，煎過嘅糯米雞上加上流心蛋黃，雙重口感，好特別。第一叉係必食推介，經理同我哋介紹梅頭肉係來自四川，唔會用任何醃料，絕對係原味道，雖然每一件都大大件，但一點都唔鞋，保留到肉汁嫩滑。環境、服務同食物質數都好滿意！😋👍