藍象泰國餐廳 (已結業)

今日同朋友咁啱嚟尖沙咀行街，見天氣開始轉涼，想食返啲暖身少少嘅泰國菜，所以就嚟到呢間都算幾出名嘅南象泰國餐廳，之前聽朋友講過泰國嗰間係有米芝蓮兩星嘅，所以都想來試好耐，咁啱嚟到尖沙咀就點都要去食下。一行到門口，見到幅特色牆就知道冇嚟錯地方，環境裝修相當唔錯，燈光都相當有格調，一睇就知算係高檔餐廳。我哋兩個人都算細食，所以叫咗一客串燒、一個沙拉、一碗湯同埋一個一個飯再加個甜品就夠。泰國食物其實都出名比較多香料，冬陰公湯味道相當濃郁，入面仲有一隻已經幫你剝左殼嘅蝦，而串燒都令人食過返尋味，沙律所用嘅菜都相當有特色，有着一股獨特嘅香味。咖喱來講，椰汁味都相當足夠，旁邊嘅炒飯本身亦都好夠味。最後甜品嘅質素都相當唔錯，裝飾用嘅醬汁調味亦都十分充足，總括來講係食得相當滿足。