影片
更多
2023-06-04
128 浏览
🇫🇷法國巴黎一直係唔少米芝蓮食府同廚師嘅匯集之地，最近係巴黎獲得米芝蓮兩星🎖️🎖️榮譽嘅大廚David Toutain就進軍香港，開設呢間Feuille。平時食fine dining都係以牛扒同海鮮為主，今次就有一個非常特別嘅體驗，係品嚐佢哋特別以香港本地農產品為軸心設計嘅menu，由前菜、麵包、主菜、甜品去到飲品，每一個階段呈現植物由種子、長出根🪵、莖、葉🌱、開花🌸、結果🍓嘅生命週期，再以肉或海鮮配襯，就好似感受咗一次不同植物嘅整個生命一樣，整個用餐體驗好特別👏🏻👏🏻而且菜式都會盡量用上食材每一部分，做到零浪費、sustainable🌏亦令食客有種煥然一新嘅感覺。Feuille Bread - Dill Pil Pil 自家製麵包加上南瓜籽、葵花籽，每日新鮮烘焙，外脆內鬆軟，有麵粉香，中間咬到啲籽增添口感😗😗醬汁混合多寶魚魚骨製成嘅膠原蛋白，仲有刁草Pil Pil醬、刁草油同青檸汁，酸酸咪咪，配麵包食又幾特別😛😛White Asparagus - Morel - Huangjiu將蔬菜拼湊成一幅畫，見到都唔捨得食😍😍廚師只拿取白蘆筍最嫩嘅一部分，爽脆、清甜，好清新😋Zucchini -
Feuille Bread - Dill Pil Pil
自家製麵包加上南瓜籽、葵花籽，每日新鮮烘焙，外脆內鬆軟，有麵粉香，中間咬到啲籽增添口感😗😗醬汁混合多寶魚魚骨製成嘅膠原蛋白，仲有刁草Pil Pil醬、刁草油同青檸汁，酸酸咪咪，配麵包食又幾特別😛😛
White Asparagus - Morel - Huangjiu
將蔬菜拼湊成一幅畫，見到都唔捨得食😍😍廚師只拿取白蘆筍最嫩嘅一部分，爽脆、清甜，好清新😋
Zucchini - Spiny Lobster - Mint
分開兩種食法嘅加州龍蝦🦞配意大利zucchini🥒首先從釀入龍蝦肉嘅zucchini花食起，龍蝦厚肉彈牙，另外仲有茴香啫喱同茴香葉，加上zucchini本身嘅爽脆清甜味道，令到菜式不單有龍蝦鮮味亦有蔬菜鮮味😆😆食緊嘅同時，廚師仲會係席前即席炮製下半道菜，先將龍蝦炭燒🔥再加入茴香啫喱、薄荷油同龍蝦湯，湯汁好creamy，龍蝦鮮味突出，仲帶點清新感覺，加上炭燒味香濃嘅龍蝦肉，食完會齒頰留香😚😚
Cauliflower - Coconut
冇諗過椰菜花都可以變成甜品🤣大廚先以白朱古力作為基調，加上椰子雪糕🥥以及椰菜花、牛奶同雲尼拿打成嘅椰菜花忌廉泡沫，質感綿密，食落帶朱古力同椰子香甜味，仲有椰菜花本身少許清香嘅味道，撞埋一齊又幾夾。
Celeriac and Tomato Nectar
🍸Mocktail用上番茄水、西芹、花蜜同士多啤梨調配而成，各種材料本身嘅香味各有特色，花蜜同士多啤梨帶天然香甜味，而番茄水則帶輕微鹹鮮味，幾特別😛😛
人均消費：$1700
推介指數（10分為滿分）：8.5分
张贴
