影片
更多
2022-07-14
52 浏览
喺西九龍附近放工，就去圓方食埋晚飯。一直都是呢度有間食海南雞係米芝蓮一星，今次終於可以去試吓。閒日唔算好多人，等一等就已經有位☺️餐廳裝修得幾時尚摩登，座位都好闊落。咁啱我哋坐咗窗口位，仲可以望到少少晚霞日落😚見到佢有做晚市套餐，而且價錢ok，有晒我想食嘅海南雞，又有湯、小菜、沙律，仲有甜品豆腐花😍唔使諗即刻揀咗二人套餐甜蜜2人套餐 ($438)南薑海南水果沙拉呢個沙律好有特色🤣係我第一次食。主要用咗石榴同士多啤梨切粒，上面加咗話梅碎，成個口感係甜甜酸酸，又清新健康，食完好開胃螺片燉雞湯x2呢度嘅燉湯非常足料，全部都燉咗四個鐘以上。個湯非常之清，唔會好油，每碗湯仲有幾塊螺片，飲完覺得好舒服又滋陰黃金軟骨睇到呢碟菜，大家應該唔陌生，係好多人鍾意食嘅黃金鹹蛋黃，但今次裏面唔係蝦球🤣而係類似雞軟骨嘅軟骨，每一粒都充滿蛋黃味，而且又軟又脆，非常香口，我食到唔係好停得口天天海南雞（中份）嚟到主角啦，睇到佢嘅置碟就feel到佢既氣勢🤣一試真係名不虛傳，冇肥膏，皮薄肉滑，同平時普通餐廳嘅海南雞完全冇得比，每一嚿都好有雞味，而且肉質鮮嫩，加上醬汁真係令人回味無窮，值得米芝蓮的星星天天石鍋雞油飯呢個雞油飯
閒日唔算好多人，等一等就已經有位☺️
餐廳裝修得幾時尚摩登，座位都好闊落。咁啱我哋坐咗窗口位，仲可以望到少少晚霞日落😚
見到佢有做晚市套餐，而且價錢ok，有晒我想食嘅海南雞，又有湯、小菜、沙律，仲有甜品豆腐花😍唔使諗即刻揀咗二人套餐
甜蜜2人套餐 ($438)
南薑海南水果沙拉
呢個沙律好有特色🤣係我第一次食。主要用咗石榴同士多啤梨切粒，上面加咗話梅碎，成個口感係甜甜酸酸，又清新健康，食完好開胃
螺片燉雞湯x2
呢度嘅燉湯非常足料，全部都燉咗四個鐘以上。個湯非常之清，唔會好油，每碗湯仲有幾塊螺片，飲完覺得好舒服又滋陰
黃金軟骨
睇到呢碟菜，大家應該唔陌生，係好多人鍾意食嘅黃金鹹蛋黃，但今次裏面唔係蝦球🤣而係類似雞軟骨嘅軟骨，每一粒都充滿蛋黃味，而且又軟又脆，非常香口，我食到唔係好停得口
天天海南雞（中份）
嚟到主角啦，睇到佢嘅置碟就feel到佢既氣勢🤣一試真係名不虛傳，冇肥膏，皮薄肉滑，同平時普通餐廳嘅海南雞完全冇得比，每一嚿都好有雞味，而且肉質鮮嫩，加上醬汁真係令人回味無窮，值得米芝蓮的星星
天天石鍋雞油飯[1-2人]
呢個雞油飯雖然話係1-2人量，但起碼有四至五碗飯嘅份量😱兩個人完全食唔晒😂不過啲飯嘅調味剛剛好，唔會太油，每粒都好香
鴛鴦菜花
花椰菜同菜心嘅炒菜，用咗啲炸魚仔一齊炒，令成個菜都好香口惹味
花好月圓(即係原味豆腐花）x2
開頭以為係普通豆腐花，仲諗住問點解冇黃糖😂 一食 嘩 咁好味嘅 似係牛乳豆腐布丁咁，好滑好香但唔會好甜。如果住得近真係打包兩碗返屋企😚
桃膠菊花桂花雪梨茶 (原價$26，叫套餐可享七折，折後$18）超抵飲，啖啖都有桃膠，好滋潤，呢個價錢買返屋企飲到抵
另外要比茶位錢（$9/ each)
张贴
