貴緣小鍋米線 (崇潔街) (已結業)

收左工突然好想食米線，但係又唔想食平時食開既鋪頭🤔同個朋友傾開我想食米線，剛好佢入左米線關注組，我叫佢睇下有邊間好食再同我去食😂朋友話關注組極力推介貴緣小鍋米線，既然力推就積係好食啦，我又點會放過食好野既機會😏.秘製麻辣湯配紅薯粉 $31墨魚丸+$8魚皮餃+$8秘製腩肉+$10我叫左小小辣，湯底入面有炸醬，芽菜同韮菜，唔好睇佢碗湯咁紅就以為好辣，食落去唔會太辣又有少少麻味最重要係唔會好油膩，個湯底幾正！紅薯粉煮得岩岩好，煙煙韌韌又彈牙，配菜方面我就揀左墨丸，魚皮餃同腩肉。墨丸彈牙，魚皮餃正常發揮，腩肉肥瘦均勻唔乾身份量都幾多。.豬骨鮮濃湯配米粉 $29墨丸+$8魚皮餃+8炸醬 +$10朋友唔食辣所以揀左豬骨湯，湯底入面有芽菜，韮菜。芽菜爽口，豬骨湯豬骨味濃郁，有香甜味，米粉煮得剛好唔會太淋，墨丸彈牙，魚皮餃正常，炸醬好香口有少少辣同食到豆瓣醬既味，配埋米粉一齊食，正！.蒜泥白肉 $27重口味之選！腩肉係帶軟骨薄薄一片，一啖豬肉一啖蒜，呢個組合無得輸！我覺得佢好食過某米線店😂😂😂.蒜香醬油雞翼$27雞翼係單骨方便食用，雞翼皮上鋪滿蒜泥，肉質嫩滑，好香好入味。