好煮意

营业中

休息中

難得去上水咁遠，想搵一間地道啲，市區無分店嘅餐廳，原本考慮食鳳嗚居，但係旺角都有分店，所以最後決定試下好煮意，一樣有藥膳醉雞湯食。我地今次叫左藥膳醉雞麵 同埋 新加坡喇沙湯米線。………………………………………………藥膳醉雞麵 ⭐️⭐️⭐️⭐️湯底有藥膳雞湯味，酒味濃度啱啱好，飲落順喉，聞落仲有淡淡嘅酒香。雞件味道唔錯，不過略為細件，如果可以大件啲、厚肉啲，就perfect 啦。新加坡喇沙湯米線 ⭐️⭐️⭐️⭐️⭐️可以自選3個餸或以上，特別推介牛肚，好入味。不過，喇沙湯底先係重點，味道濃郁，又有鮮味，辣度又剛剛好，係正宗新加坡喇沙嘅味道。凍奶茶⭐️茶味太重，而且極之甜，奶味又唔夠，飲左2啖已經要放棄。………………………………………………好煮意係一間好local 嘅餐廳，喇沙湯底真係值得推介。