貴緣小鍋米線 (崇潔街) (已結業)

前牌睇米線關注組，見到街坊推介呢間嘅小窩米線！住呢頭附近但係都唔發覺原來有呢間小店，咁梗係要試吓啦！我叫咗街坊推介嘅雞絲同響鈴，小窩米線叫咗小辣，米線湯底超級入味，食落夠酸夠辣味，雞絲就咁食會有啲乾，不過浸埋湯底食都唔錯，重點係份量極多！響鈴索晒湯汁冇得彈，真係超正！男朋友叫咗豬軟骨同埋豬腩肉，佢話豬軟骨好普通，識落唔夠淋，豬腩肉就幾入味！半肥瘦超邪惡，值得一試～ 男朋友叫咗小小辣，味道真係唔同好多，個人覺得小辣正好多，湯底重味好多！