小草十八怪石鍋米線 (已結業)

有啲新噱頭，我梗係要去下試吓啦！今次嚟到呢間，專食石鍋米線。一定要有專人服侍下，先知道最佳食法！石鍋米線仲可以揀九個餸個個送到細細碟，但係一個石鍋米線真係非常夠飽！自己嗌左肉骨茶嘅湯底，呢度師傅專門調製過，唔會太燥！我自己覺得幾特別嘅，雖然食落同米線冇乜太大唔同，我覺得個肉骨茶湯底有驚喜，幾香又有少少藥材味！另外都叫咗口水雞，佢嘅口水雞同出邊好唔同，係熱食嘅，味道都同我哋平時出去食麻辣嘅嗰啲款式有唔同，唔算太麻都唔算太辣！另外串燒叫咗孜然羊肉，孜然非常重，鍾意食孜然嘅人就唔好錯過！