貴川風味館

营业中

休息中

黎親呢度好多人都食米線，配料足選擇多。就因為甘好多時都會忽略左其他美食。呢度既菜飯好好食，多菜又唔會油淋淋，高纖健康推介。配豬軟骨正，豬軟骨鹵得好入味同夠腍，連骨都可以食埋。金菇肥牛卷也是一流的，肥牛卷煎到外層微焦，肥牛多汁唔乾好有肉味。中意食雞一定唔好錯過口水雞，雞肉嫩口唔會鞋，口水汁又麻又辣又香，仲有勁多芫茜花生。值得一提仲有小食豬耳絲豬肚絲，無論清拌香辣定麻辣都很好食，豬耳豬肚爽爽卜卜脆。還有每次都會叫碟拍青瓜，食完人都醒神些。