影片
更多
2004-11-04
7 浏览
今個禮拜有幾個人陪食飯，就趁機會試下d 未去過的食肆。今日揀左呢到，試下什麼叫法越fusion 菜。呢度裝修唔錯，面對海景，幾夠光猛，地方算大。共四個人，order 了以下食物：1)香草蟹肉沙律—我未食，已經比人搶晒d炸蟹腳，只係食d菜，香草味好香濃。2)香料咖哩焗牛腩—牛腩煮得幾腍，咖哩汁不夠香濃，同時亦略嫌汁較稀，用來送飯還可以。有一條長法包跟咖哩上，個人覺得就咁食好過點落d咖哩度，夠脆口。3)豬頸肉乾蔥蛋麵—這個是最不受歡迎的一碟，完全同越南菜格格不入，以豬頸肉炒伊麵，雖然豬頸肉都唔太差，是薄薄的幾片，但賣相就不得要領。4)焗鴨荷香飯(見圖)—這個賣相反而幾好，中間插住條蔥，睇得唔食得，鴨肉夠厚唔肥膩，但就炸得乾左點，而成個飯的份量，只是夠一個女仔，鴨就得三件，想分都唔夠分。5)Rice paper 配脆華雞/生菜、香草、青檸、蕉心、楊桃等。米紙用一隻杯盛載，都幾似係出面d西餐廳見到將條餐巾插落隻杯度咁。米紙其實是越南菜特色之一，好多越南餐廳都會用來包d卷物。但呢度給你包的一種，是比較厚(其實都好薄!)的，據說是專門供你作為自己包東西之用，與卷物所用的不同。米紙有分底面，面用來包
呢度裝修唔錯，面對海景，幾夠光猛，地方算大。
共四個人，order 了以下食物：
1)香草蟹肉沙律—我未食，已經比人搶晒d炸蟹腳，只係食d菜，香草味好香濃。
2)香料咖哩焗牛腩—牛腩煮得幾腍，咖哩汁不夠香濃，同時亦略嫌汁較稀，用來送飯還可以。有一條長法包跟咖哩上，個人覺得就咁食好過點落d咖哩度，夠脆口。
3)豬頸肉乾蔥蛋麵—這個是最不受歡迎的一碟，完全同越南菜格格不入，以豬頸肉炒伊麵，雖然豬頸肉都唔太差，是薄薄的幾片，但賣相就不得要領。
4)焗鴨荷香飯(見圖)—這個賣相反而幾好，中間插住條蔥，睇得唔食得，鴨肉夠厚唔肥膩，但就炸得乾左點，而成個飯的份量，只是夠一個女仔，鴨就得三件，想分都唔夠分。
5)Rice paper 配脆華雞/生菜、香草、青檸、蕉心、楊桃等。米紙用一隻杯盛載，都幾似係出面d西餐廳見到將條餐巾插落隻杯度咁。米紙其實是越南菜特色之一，好多越南餐廳都會用來包d卷物。但呢度給你包的一種，是比較厚(其實都好薄!)的，據說是專門供你作為自己包東西之用，與卷物所用的不同。米紙有分底面，面用來包野，滑面向外，唔好搞錯。其實用米紙包東西，只是綽頭，完全感覺唔到有咩用。事關當你包東西時，你落的醬汁會很容易滲透張紙；卷起時，紙張亦很容易爛，包乜鬼丫，就咁食好過，o徙氣！
服務態度都唔錯，有個服務員都幾有心機，教我地點包米紙，又解答我的問題。但大部份都係年青人，外表打扮仍有整理餘地，望落都幾cool 咖，可以改善一下。
张贴
