Joyful Dessert House (已結業)

好多時出街食飯可以食到不同味道之餘，最希望有埋甜品享用咁食就最完美，不過都唔係次次食得到，唯有再去其他甜品店繼續品嚐，就係上星期又出咗銅記食飯，順便係附近食埋甜品，行行吓又冇意之間見到呢問甜品店，原來係米芝蓮街頭小食推介其中一間，除咗旺角有得食外，呢度都會有分店唔駛諗就入咗去啦！甜品款式口味都有好多，真係唔知食邊款好，最後我地就點了燒菠蘿雪芭同比利時朱古力慕絲伴雪糕。因為要時間製作都要等一陣先有得食，先來係比利時朱古力慕絲伴雪糕 $56，放係枱上已聞到香濃嘅朱古力味，先品嚐朱古力慕絲入口香滑夠濃郁仲有陣酒味添，連埋雪糕一起食就最完美，啱晒鍾意食朱古力嘅朋友。到燒菠蘿雪芭 $56，燒菠蘿表面夠香脆，食落好香甜，雪芭入口清新又開胃，而且仲係好冰凍，真係食到透心涼。原來每晚八時後惠顧甜品，仲可以半價享用飲品，又可以再飲番杯特色飲品凍忌廉抹茶鮮奶 $22，飲落香滑之餘抹茶夠清香。享受甜品時間話咁快又到尾聲，開心又滿足回家。