翡翠拉麵小籠包

营业中

休息中

好少可食一間野可以道道菜都令我相當滿意平時總有一兩樣值得挑剔之處今次去機場接機 順道食埋飯就試到呢間相當唔錯既上海菜正唔正宗我就唔知啦 我又未食過D貴野好野不過以呢個價位黎講 真係已經交足功課叫左前菜──雞絲粉皮小菜──黃金蝦小菜──糖醋魚柳主食──擔擔面主食──小籠包甜品──香蕉高力豆沙雞絲粉皮，麻醬味好香好香，略唔夠咸，不過雞絲真係切到絲咁幼，好利害黃金蝦，值得一讚再讚再讚，上檯一刻，一陣咸蛋黃同牛油混和既香氣馬上令我食慾大爭! 由於等人，都放左10分鐘先食，但連殼炸依然非常脆口，可以吞埋D殼糖醋魚柳，魚質嫩滑，雖然食落唔會脆口，但糖醋汁被充分吸收，而且甜味同酸味調配得剛剛好，亦唔會有過份重既菠蘿、甜椒味道擔擔面，雖然叫左小辣，但仲係好辣好香麻油味同花生味，雖然冇乜送，但係淨係面同飲湯就已經好滿足，如果可以比多d花生粒就更好啦小籠包，又一城瀚騰閣好食過佢，而且$24四隻亦唔算好抵，不過有湯汁，唔易穿，肉質唔錯，收貨了香蕉高力豆沙，好特別既一道甜品，外層撒上葡萄糖，入口有冰涼口感，咬落有鬆軟既一層粉(唔知點叫果層野)再之後係好綿既豆沙，最後係冰凍既香蕉，包你一試愛上環境，位於機場，夠