麥當勞 (又一城)

营业中

休息中

今日比平時經過開又一城既時間早左，七點半左右到麥當勞見到竟然有位，所以諗都唔諗立即用自助點餐機點餐叫我係麥當勞最鐘意食既豬柳蛋漢堡超值餐。話說，這間麥當勞係由又一城二樓搬咗出嚟，由大變極細既面積，店入面只有十個左右既座位，所以真係一位難求。而這間舖係行電子化，有六部自助點餐機供人使用，間唔時會有職員幫助食客解決電子化點餐疑難。今日食呢份早餐同平時一樣，都keep到水準，不過堂食就更加熱騰騰，飽入面個塊芝士更處於半溶之間滲係豬柳到，份外惹味。我今日既餐飲點左杯即磨咖啡，平時只知麥當勞是用三款豆去製咖啡，今日見到換咗新杯既標誌先知道原來D咖啡豆係100%雨林聯盟認證既咖啡豆，即刻覺得為環保出左分力。D豆經過深度烘焙，用機整出嚟飲落都份外醒神。食完個早餐，就精神亦亦去返工。