Orange Dish (禮頓中心) (已結業)

今日喺銅鑼灣行街，見到呢間新開嘅咖啡Kiosk，叫Orange Dish，我又有興趣試吓呢度啲咖啡。個位置係一間賣兒童玩具嘅店舖出邊，鋪仔細細，可以坐大概三四個人，除咗咖啡之外，仲有一啲沙律、麵包、包裝食物等等。

我今日就決定試吓呢度嘅摩卡，呢度嘅包裝簡約。朱古力粉冇落得太多，啱啱好夠味，咖啡味道nutty。

另外食物方面，我就揀咗Youni嘅西班牙海鮮炒飯。味道係健康嘅，冇特別鹹，亦冇落過多油，一盒嘅卡路里大概四百幾卡左右。

海鮮分別有青口、蝦、魚柳肉。

醬汁係用咗健康嘅蕃茄蓉汁，感覺健康又飽肚。