貓之茶房 (弼街)

营业中

休息中

第一次同愛貓嘅囡囡年初一上嚟。店員好有禮貌解釋注意事項。入場前提醒有公主脾氣嘅貓貓唔好摸。要消毒手，換拖鞋入場。仲有個大袋入隨身物，店員話預防貓貓整污糟。依度主打唔係食，係同貓貓玩。小食同飲品都絕對係平，採用自助付款。仲可以買零食餵貓。有客人share 左雞肉粒比我囡囡餵貓，貓貓真係好乖又勁可愛。逗貓棒免費借用，雖然貓貓好似唔多受引誘，不為所動。同囡囡過咗一個開心輕鬆嘅時光。睇到店員勁錫啲貓貓，環境好清潔。場內仲有貓貓嘅profile,貓貓都係領養嘅，背後有佢哋嘅故事。臨走仲揀咗喜歡嘅貓貓匙扣留念，$20個都好抵，有註明係邊隻貓貓。囡囡去完已經話下次要再嚟探貓貓。