酒香椒麻牛絲拌麵 ~ 牛絲係幾入味，食落唔會太乾，但就無乜牛味。有少少酒香但唔突出，椒麻唔算好辣，麻味都係比較輕。
蔥香雞油雞腿拌麵 ~ 雞腿煎得香口，皮脆肉嫩，雞油香味幾突出，香氣十足。雞油拌麵就比較油香，麵條吸晒 d 油汁又幾滑口。不過食落有少少單調，食多幾啖會覺得膩。
三寶牛肉麵 ~ 三寶滷得幾入味，湯底香料味唔重，偏清，唔似台灣果種濃厚牛肉湯，整體算穩陣但唔突出。
椒鹽豬排魯肉飯 ~ 豬排炸得幾香脆，肉質唔算厚但唔鞋口，正常一般台式魯肉飯。
今次試咗幾款麵飯，味道方面就中規中矩，無乜太大驚喜，價錢唔算平，等位時間又長，建議避開 lunch peak。
