The Artlab by Favilla (已結業)

觀塘真係好多好野等緊我地去發掘。同事想試新野，揾到依一間好舒服嘅餐廳。餐廳全木裝修，連飲品menu都係木製㗎，勁! 食物方面，我點左慢煮封門牛柳定食，用慢煮方式鎖住肉汁，好淋，好夠味。擺盤都係走日式路線，定食會附送味增湯同埋薯蓉，食到一粒粒薯仔，整體味道唔錯。同事點左日式滑蛋自家製咖哩牛肉定食，賣相吸引，蛋煮得好靚好滑，牛肉粒有少少硬，咖哩味可以濃啲。套餐跟日本焙茶，用一個木製嘅器皿盛載着，好有心思。餐廳仲有乾花，保鲜花，花束等等售賣。