饞。台式食堂 (如心廣場二期) (已結業)

而家荃灣啲商場一個連一個，超級方便，好多商場都有新裝修，如心都唔例外。行到肚餓就隨便搵間餐廳入去食。無得去台灣旅行，就去食台灣野啦。.《藥膳排骨》味道有點像馬來西亞嘅肉骨茶，好重嘅藥材味，有當歸、川芎、熟地、紅棗、杞子，感覺滋補。排骨都唔會好鞋，但係就無乜味，要沾佢附送嘅醬，飯就有點硬，要用湯去浸一下。《鳳梨蝦球》菠蘿同炸蝦球都係好經典嘅夏日配搭。炸蝦球嘅炸粉都尚好，唔算太厚，蝦肉彈牙，而且都有好多炸蝦。另外加錢改為滷肉飯，有滷肉汁嘅飯感剛好，都不會油膩。《蒟蒻球白桃烏龍》蒟蒻球感覺有趣，好彈牙，好適合口痕去咬。烏龍茶底好濃，白桃味偏淡，但又不會苦澀，仲可以走冰添。餐廳服務好好，職員都好貼心，而疫情期間，防疫措施都做到好足。環境光鮮明亮，感覺好舒服。