Double Tree (已結業)

大概 2 點幾黎到灣仔，原本想食好d，點知隔離個個已經食飽左，唯有叫佢陪我食啦。行下行下，黎到呢間見佢有下午茶又好似幾多選擇咁，就入左去食啦。下午茶都有好多唔同既選擇，佢有D HOT CAKE，PANCAKE既物體，不過我驚佢整得好難食，最後都係叫返D正常野。佢有D配搭又好怪，之後我叫左個瑞士雞翼撈一丁，佢再跟杯咖啡。咖啡佢話係即磨，聞就聞到有咖啡香，不過飲落就爭DD喎。有少少稀既感覺，好似加左水咁，淡淡既咖啡味，總括麻麻地好飲。撈一丁都唔係等左好耐就黎到，佢一黎到我竟聞到D麵既味道，哈哈，都幾香架。不過D麵望落去似係剛剛滾熟咁，即係有D似係屋企「錄」完個出前一丁咁。我仲覺得會好淋，但食落去又比想像中ok，即係都算有dd彈牙煙靱，唔係淋到唔知似乜咁。瑞士汁淡左少少，略帶甜味，相信濃味會好食好多。有三隻雞翼，不過三隻都好瘦好細隻 (><)，得好少肉，不過下午茶都可以接受的。收費只係 $25，又無加一，咁既收費都算係咁架啦，不過我就未必會再黎食啦。