表哥小廚

今晚早左收工，同女朋友約左係北角食飯，咁岩想食返d小菜，於是就決定嚟呢間「表哥小廚」！

經侍應（老闆？）大力推介下，要左一份蜜椒薯仔牛柳粒同腐乳通菜。而佢亦都無介紹錯，牛柳粒非常入味，肉質軟淋唔會太韌。但更大既驚喜係啲薯仔！薯仔應該係先經油炸封口再用蜜椒汁去煮，所以外面保持脆口絕無變淋，而同時亦到索曬蜜椒汁既味，可以話呢套菜其實係有雙主角，兩樣食材都處理得非常出色！

而腐乳通菜就屬正常水平，通菜唔會因爲腐乳汁而浸得過淋，煮既時間亦唔會過曬龍，夠曬爽！