安南 (又一城) (已結業)

兩個星期前，諗住想食返個正宗嘅越南河粉，所以就揀咗呢間餐廳，之前打電話黎book，不過因為交通問題，我哋遲咗15分鐘佢就取消咗啦，之前食過幾次晚市及兩次午餐，味道還算不錯今，次就晏晝過嚟食，滿心歡喜諗住食佢個中午set ，原來佢星期六日係冇㗎，只可以散叫 A la Ca ，用餐時間限制左90分鐘。

咁我就簡單叫咗個豬手河粉，諗住骨膠原多啲，老友就叫咗個生熟牛肉湯河，如果問味道好唔好，就勉勉強強過得去，唔算差嘅，不過就真係平日食有套餐即係抵啲，我覺得佢環境都幾靚㗎，同埋唔算太嘈，如果想傾計來啲就要揀平日夜晚👻👻