真鮨 (已結業)

小妹今晚真係真係好嬲！於是隨心所欲入左一間日式小店，放肆一下！

叫左一份刺身拼盤，有五款刺身，每款兩件，都幾厚切新鮮

另外叫左4款炙燒壽司，分別係魷魚、蟹膏帆立貝、三文魚同黑松露左口魚

魷魚賣相好靚，口感彈牙

三文魚芝士，芝士味香

蟹膏帆立貝，蟹膏味濃且香！

黑松露左口魚， 黑松露好香，加埋左口魚魚油香，四件壽司之中最吸引！

1

清酒煮蜆，蜆超大隻，啖啖肉！清酒味唔算濃，屬淺淺的

另外叫左4款串燒淺嚐，雞肉、雞潤、雞軟骨同雞賢！
串燒都燒得幾香，唔會燒到太乾身