譚仔雲南米線 (Imperial Kennedy)

营业中

休息中

話說有屋企人突然想食譚仔，自己都有一排冇食米線，所以就奉陪一下啦。 其實有諗過譚仔駛唔駛寫食評。不過之前一直食開清湯，今次第一次試番茄湯底，所以當係稍稍紀錄一下。 一如既往，譚仔嗰場好爆，我哋1219落單，嘢食要1242先送到，心急嘅朋友會嫌耐。 我總共要咗三個餸，冬菇、芽菜、豬潤。意外地，番茄係原個切粒，唔係現醒嘅茄溶；番茄係連皮嘅，呢點就睇個人口味啦。 冬菇有4粒，索湯，但係就唔係鮮冬菇。豬潤有大約8舊，份量ok。 有驚喜嘅係芽菜，有成大半碗咁劑，大約係米線嘅2/3左右。 不過現場真係好熱，冷氣唔掂，再加上食住碗咁熱辣辣嘅米線，真係食到出汗啊。