新大城茶餐廳 (已結業)

每個星期點都會約埋青衣友一起聚聚吃下早餐就消化了一個小時, 價錢平平地無人講街坊生意真係好有親切感 。到此一遊不是第一次, 但每次都係停車場直入忽畧了另一個門口入, 食客不多夠靜, 坐得更加舒服, 可能是沒有太多人知仲有一個密室, 傾下計唔嘈是一流吧 !

今次點了早餐自選三寶, 朋友幾個可以齊共享, 原因是可以一次過叫炒米粉/粥/炒麵/河粉/腸仔/雙蛋/餐肉.... 一次過叫米粉+炒麵+兩條腸真的可以由上午10時頂肚至4:00, 加杯有茶味的涷奶茶, 正 !價錢都係 $20多元, 抵 ! 我朋友每次都叫涷鴛鴦, 最大分別是出面部分帶有酸味, 而這裡一直沒有這個問題, 真的夠新鮮 ! 要求高一點可以叫另一個餐:叉燒意粉 +牛扒+飲品, 是最貴的一個, 都係 $29, 飽到食唔晒, 值得一讚是牛扒雖然份量少, 但味道真的有讚無彈 +嫰滑 。

青衣涌美村真的好有街坊feel, 又夠熱鬧, 當中有好多老廚神, 不妨一試 。