影片
更多
2017-05-15
105 浏览
同女朋友去開炮台山行outlet，所以就順便係附近搵下有乜食，最後揀左食依間平民小店，意蠔屋。由於都唔係好餓，就叫左個一人蠔餐share，$98，加多杯野飲同沙律share食。雖然地方比較細，但都算整淨乾淨。餐湯方面就揀左忌廉湯，出乎意料個湯十分足料，非當濃郁。蠔就有兩隻，由於女友唔食蠔，所以我就食哂兩隻，先食左細個隻，十分鮮甜，估唔到咁平民小店，經濟價錢都食到咁高質嘅蠔，另一隻就十分巨型，大過我嘅手掌，就係比較重海水味，以為咁大隻會有沙或者腥，但整體兩隻都冇沙又新鮮。沙律揀左蟹籽沙律，落埋個汁有日本風味，帶少少wasabi味，十分開胃，餐廳亦唔姑寒，落左勁多蟹籽，性價比高，$38。然後就揀左第一個芝士焗海鮮千層面，一嚟已經傳嚟好香嘅芝士味，非常濃郁嘅芝士白汁，面頭又有勁多芝士，完全啱我依個芝士控，海鮮方面都算足料，蝦、魚柳、帶子同蟹柳，十分好食。餐飲方面，我同我女朋友都叫左特飲，我就揀左凍檸多，依個配搭好新鮮，同益力多十分夾，啱d鍾意飲酸酸地野嘅人，女朋友就叫左菊花蜜，十分潤喉又不會太甜。建議大家都可以試下餐廳嘅特飲，有幾款都好特別，好似青檸金桔蜜。
由於都唔係好餓，就叫左個一人蠔餐share，$98，加多杯野飲同沙律share食。雖然地方比較細，但都算整淨乾淨。
餐湯方面就揀左忌廉湯，出乎意料個湯十分足料，非當濃郁。
蠔就有兩隻，由於女友唔食蠔，所以我就食哂兩隻，先食左細個隻，十分鮮甜，估唔到咁平民小店，經濟價錢都食到咁高質嘅蠔，另一隻就十分巨型，大過我嘅手掌，就係比較重海水味，以為咁大隻會有沙或者腥，但整體兩隻都冇沙又新鮮。
沙律揀左蟹籽沙律，落埋個汁有日本風味，帶少少wasabi味，十分開胃，餐廳亦唔姑寒，落左勁多蟹籽，性價比高，$38。
然後就揀左第一個芝士焗海鮮千層面，一嚟已經傳嚟好香嘅芝士味，非常濃郁嘅芝士白汁，面頭又有勁多芝士，完全啱我依個芝士控，海鮮方面都算足料，蝦、魚柳、帶子同蟹柳，十分好食。
餐飲方面，我同我女朋友都叫左特飲，我就揀左凍檸多，依個配搭好新鮮，同益力多十分夾，啱d鍾意飲酸酸地野嘅人，女朋友就叫左菊花蜜，十分潤喉又不會太甜。建議大家都可以試下餐廳嘅特飲，有幾款都好特別，好似青檸金桔蜜。
张贴
